Речь идет о "Хронологии" Андрея Рымши — рыцаря, поэта и философа. "Хронология" стала 13-м и последним изданием Острожской типографии Ивана Федорова. Занимало издание один листик и представляло собой стихотворный рассказ о названиях месяцев.

Андрей Рымша служил у князя Криштофа Радзивилла, литовского гетьмана по прозвищу Перун, учился и преподавал в Острожской академии. Единственный известный экземпляр этого первого печатного календаря с какого-то счастья хранится в Государственной публичной библиотеке имени Салтыкова-Щедрина в Санкт-Петербурге.

 

А сам текстик в календаре забавный:

Кото'рого ся м[есе]ца што за стары'хъ вековъ дЪ'ело коро'ткое описа'нїе


М[есе]ца сентебра, погебреиску елю'ль, про'сто вре'сень.

Двадъцать четве'ртого дня м[есе]ца сенътебра'
доро'бленъ еросоли'мъ, ста'лася ре'чъ добра'.

М[есе]ца октоврїа, погебре'иску тышри, про'сто паздерникъ.

Арха з но'имъ на горе ста'нула на суши,
другїи пото'пъ не бу'дет, та'къ намъ пи'смо туши.
Октоврїя 17 дня.

М[есе]ца ноемврїя, погебреиску маргеоусамъ, просто грудень.

Жидомъ с[вя]то оуста'вилъ тутъ ц[а]рь еровоа'мъ,
мы о свои не дба'емъ, не велми жъ добро намъ.
Ное'мврїя 15 дня.

М[есе]ца декаврїа, погебре'иску хашлеу, просто просинецъ.

В томъ м[есе]цы і[су]с х[ристо]с народи'лся намъ,
не хто иныи, тот изба'вилъ д[у]ши наши самъ.
Декаврїя 25 дня.

М[есе]ца генуара, погебрейску тебет, просто стычень.

[Ч]ужозе'мъскїе мудръцы х[рист]а привита'ли,
зла'то, ла'данъ и ми'ру, яко па'ну, дали.
Генуара 6 дня.

М[есе]ца февраля, погебреиску себат, просто лютыи.

Смотри', якъ то голубка ноаху служи'ла,
мы' о б[ог]а не дба'емъ, только бъ злость плужила.
Февраля 18 дня.

М[есе]ца марта, погебреиску адаръ, просто марецъ.

Въ томъ месецы г[оспод]а жиды крижова'ли,
собЪ лихо, намъ добро тымъ паномъ з[ъ]еднали.
Марта 25 дня.

М[есе]ца априля, погебреиску нисан, просто кветень.

Жи'дове сухо прошли' чирвоное море,
корми'лъ ихъ б[ог]ъ напущи*, не было имъ горе.
Априля 14 дня.

М[есе]ца мая, погебреиску ія'ръ, просто ма'и.

Но'и а'рху готуетъ божимъ повеле'нїемъ,
абы въ пото'пъ не зги'нулъ зъ своим поколеньемъ.
Мая 10 дня.

М[есе]ца ію'ня, погебреиску сыванъ, просто чы'рвецъ.

Оужо во'ды въсих то'пятъ, ноах въ кора'бль вошо'лъ.
Зна'ть, ижъ б[о]гу кланялъся, прото ласку знашо'лъ.
Ію'ня 27 дня.

М[есе]ца ію'ля, погебреиску тамус, просто липецъ.

Моисїи поби'лъ табли'цы зъ приказа'ньем б[о]жимъ,
а мы' грешим, што часокъ, ни ся страхом трвожим.
Ію'ля 17 дня.

М[есе]ца а'вгуста, погебреиску аовъ либо авъ, просто серпень.

Въ то'мъ месецы ааро'нъ оумеръ, б[о]жїи ере'и,
того собЪ наприкла'дъ ты', попе, завжды меи.
Августа 1 дня.

Друковано 5 дня ма'я, року 1581, въ острозе. Писа'нье андре'я рымшы.